बैतडीः बैतडीको मेलौली नगरपालीका– ८ सुर्नाया किनारमा विहिबार विहान चितुवा मृत अवस्थामा फेला परेको छ।
स्थानीयले बिहान ८ बजे चितुवा मृत अवस्था भेटाएका थिए । स्थानीयले खबर गरेपछि सव डिभिजन वन कार्यालय मेलौलीको टोलि घटनास्थ पगेको डिभिजन वन कार्यालय बैतडीका प्रमुख दिलिप यादवले बताए ।
चितुवा आँफै मरेको हो वा केही अन्य कारणले मरेको भन्ने कुरा खुल्न बाँकी रहेको उनको भनाई छ।
उनका अनुसार सव डिभिजन वन मेलौलीको टोलीले मरेको चितुवालाई पोष्टमार्टमका लागि भेटेरनरी अस्पताल तथा पशु सेवा विज्ञ केन्द्र पाटनमा पुर्याउँदै छ ।
